有個女仔，個個月都好準時搏下有冇M痛病假攞。今日佢精神奕奕行入黎，遞張紙仔俾我。我問佢做乜嘢？！佢話驚有太多野唔記所以寫低俾我睇。 咁點解你可以自己對住張紙講俾我聽？！你又唔係失聲⋯⋯
佢講嚟講去都係啲濕濕碎碎嘅傷風感冒嘅病徵。唔知點解咁都要寫定稿先。當然佢開始入正題，話想攞病假因為Office好多人病。我診所日日都對住咁多病人，係咪我哋全體人員都日日唔返工呢？你可以戴口罩保護自己架～
佢知道冇假紙之後，竟然就話早知我琴日過嚟睇啦！其實第一，琴日係星期日唔開門。第二，就算琴日你講返同一番說話，你都係冇假紙OK？
～～～
又係時候食日本生果啦！果欄好鬼貴！竟然團購同一田平好多！唔係啲最Top嘅縣不過都幾好食喎～～ 最搞笑係團購攞貨係喺王維基間鋪度攞，入面嗰Sales弟弟拎住我盒提子雙眼發光。問左我好耐幾多錢同埋係邊度買～ 我幾驚佢唔俾番盒提子我～
Search